O'zbekiston tarixida ilk marotaba otlar ishtirokida ommaviy sport sayli tashkil etildi + FOTO

Ot sporti bo'yicha O'zbekiston terma jamoasi azolari, O'zbekiston davlat xavfsizlik xizmati chegara qo'shini, Ichki ishlar qoshidagi patrul-post va qo'riqlash xizmati, Milliy gvardiyaning faxriy qorovullari ishtirokida o'tkazilgan ushbu tadbir yig'ilganlarda ajoyib taassurot qoldirdi.

Malumot uchun, bunday bayramona namoyishlar dunyo bo'ylab ko'p o'tkazilib turiladi. Ammo, Milliy olimpiya qo'mitasi tashabbusi bilan tashkil qilingan ushbu tadbir O'zbekiston tarixida ilk marotaba o'tkazildi. Bunday chiqishlar orqali mamlakatimiz aholisini ot sportiga qiziqtirish maqsad qilib qo'yilgan.

Unda 80ga yaqin turli nasldagi otlar qatnashdi. Bu ko'rsatkich dunyo bo'yicha hayvonlar ishtirokidagi tadbirlar uchun yirik hisoblanadi. Ayni paytda jahon rekordi Birlashgan Arab Amirliklariga tegishli. U erda o'tkazilgan tadbirda 116ta ot ishtirok etgan.