O'zbekiston - Xitoy - 3:2. Do'stov terma jamoamizni pley-offga olib chiqdi

Hozirgina musobaqaning uchinchi kunidan o'rin olgan so'nggi beshinchi uchrashuv o'z yakuniga etdi. Unda mamlakatimizning ikkinchi raketkasi Farrux Do'stov ajoyib va muhim g'alabani qo'lga kiritdi.

Xitoylik Di Vuga qarshi kortga chiqqan hamyurtimiz raqibini 7:6, 6:3, 7:6 hisobida dog'da qoldirdi. Bu bilan Do'stov terma jamoamizning umumiy 3:2 hisobidagi g'alabasini taminladi. Bundan avvalgi uchrashuvda mamlakatimizning birinchi raqamli tennischisi Denis Istomin kutilmaganda Ze Jangga 6:3, 5:7, 6:2, 1:6, 4:6 hisobida imkoniyatni boy berib qo'ygandi.

Bugungi g'alaba O'zbekiston terma jamoasini Jahon ligasiga o'tish uchun o'tkaziladigan pley-off uchrashuviga olib chiqdi. Tez orada terma jamoamizning bo'lajak raqibi qura tashlash yo'li bilan aniqlanadi. Terma jamoamiz to'qqizinchi marotaba jahon ligasiga chiqish uchun urinib ko'radi.