O'zbekiston xokkeyining bayroqdori - "Humo" 5 yoshda!

Besh yil ichida klub birinchi yutuqlarga erishib, o'sishni va rivojlanishni boshladi. Birinchi 2018/2019 - mavsum O'zbekiston chempionatining doimiy mavsumida "Humo" birinchi o'rinni egalladi, ammo yarim finalda bo'lajak chempionlar - "Semurg'"ga mag'lub bo'lib, bronza medali sohibiga aylandilar.

2019/2020 - mavsumda "Humo" Oliy Xokkey Ligasi (hozirgi Butunrossiya xokkey ligasi)da ishtirok etdi. Noldan yig'ilishni boshlagan jamoa pley-off bosqichiga o'tib, birinchi turda liganing ko'pkarra chempioni - Neftekamskning "Toros"ini engib o'tdi. Jamoa, "Humo Arena" kabi OXLning yulduzchasi edi. Har bir o'yin muxlislar uchun haqiqiy bayram edi. Muxlislarning soni kundan-kun o'sib borardi. 

2020 yilning 4 mart kuni 1/8 bosqichning "Toros"ga qarshi oltinchi uchrashuvida 7267 nafar muxlis o'yinga tashrif buyurdi va "Humo" uchinchi marotaba OXLning rekordini yangiladi. Ammo pandemiya mavsumni yakunlashga yo'l bermadi.

Keyingi ikki yil davomida, malum sabablarga ko'ra, "Humo" professional darajadagi chempionatlarda ishtirok etmadi, lekin barcha etibor "Humo" bolalar xokkey maktabiga qaratildi. Yosh tarbiyalanuvchilar o'z uylarida ham, xalqaro musobaqalarda ham g'alabalarga erishishdi. Maktabning ikki jamoasi doimiy ravishda Qozog'iston chempionatida ishtirok etar edi. Bolalar jamoasi Bishkekdagi Qirg'iziston Prezidenti kubogida, shuningdek, o'z uylarida o'tkazilgan turnirlarda ishtirok etishdi.

2022 yilning iyul oyida "Humo" XK Qozog'istonning Pro Hokei Ligasy'da ishtirok etishi haqida xabar berildi. Jamoaga birinchi tarkibdan Roman Smiryagin, Javoxir Rasulov va Pavel Sinyavskiylar qaytdi. Katta xokkeyni sog'ingan muxlislar jamoaning yangi tarkibini ham yaxshi ko'rib qoldilar. Jamoa hozirda turnir jadvalida uchinchi o'rinni mustahkam egallab turibdi va rasman play-offga yo'l oldi.

Xulosa qilib aytish mumkin-ki, O'zbekiston xokkeyining bayroqdori, pandemiyaga qaramay, dastlabki besh yil ichida o'z taraqqiyoti uchun mustahkam poydevor yaratdi.

Tavallud ayyom muborak, "Humo"!