O'zbekiston yangi FIFA reytingida Yaponiyadan o'tib ketadi

O'zbekiston terma jamoasi ayni paytda reytingda 55-pog'onani egallab turibdi. Burkina-Faso, Suriya va Qatar terma jamoalari mag'lub etilgach, terma jamoamizning ochkolari soni 560dan 621ga ko'payadi. Juda katta ehtimol bilan O'zbekiston yangi reytingda kuchli 50talikka kiradi.

Taqqoslash uchun, ayni paytda 621 ochkoga ega bo'lgan Venesuela 46-o'rinda bormoqda. O'zbekiston terma jamoasi 2006 yil noyabr oyida FIFA reytingida 45-o'rinda qayd etilgandi. Bu mamlakatimiz jamoasining tarixidagi eng yuqori natijasi bo'lib turibdi. 

Terma jamoamiz Osiyo qitasi jamoalari orasida to'rtinchi o'rinni saqlab qoladi. Ayni paytda Eron, Janubiy Koreya va Yaponiya bizdan oldinda borishmoqda. Yangi reytingda esa Yaponiya bizdan pastga tushadi, Avstraliya esa qitada ikkinchi bo'lib oladi. 

Yangi FIFA reytingida Osiyo qitasining eng kuchli 20ta jamoasi quyidagi ketma-ketlikda joylashadi.

Eron 712

Avstraliya 643

Janubiy Koreya 634

O'ZBEKISTON 621

Saudiya Arabistoni 589

Yaponiya 574

BAA 504

Xitoy 445

Qatar 388

Iordaniya 387

Turkmaniston 352

Qirg'iziston 324

Ummon 316

Suriya 315

KXDR 302

Falastin 302

Filippin 296

Iroq 289

Bahrayn 284

Tailand 246