O'zbekistonlik sportchidan jahon rekordi, JCH medali va Tokio Paralimpiadasi licenziyasi!

Etiborlisi, ushbu dunyo birinchiligi kelasi yil Tokioda bo'lib o'tadigan Paralimpiya o'yinlariga to'g'ridan to'g'ri yo'llanma beruvchi musobaqa hisoblanib, unda sayyoramizning 100 dan ortiq mamlakat vakillari ishtirok etmoqda.

Mazkur jahon chempionatining birinchi kunidayoq o'zbekistonlik para-atletikachilar muvaffaqiyatli ishtirok etishdi. Biroz avval uzunlikka sakrash bo'yicha T12 toifasining final bahsida qatnashgan hamyurtimiz Doniyor Saliev 7.44 metr natija qayd etib, chempionat rekordini o'rnatish qatori musobaqaning oltin medaliga sazovor bo'ldi. Etiborlisi, Rio-2016 sovrindori Saliev bu natijasi bilan Tokio-2020 Paralimpiya o'yinlariga ham yo'llanmani naqd qilib qo'ydi.

O'zbekiston Milliy olimpiya qo'mitasi bunday natija bilan sportchimiz va delegaciyamiz vakillarini samimiy muborakbod etib qoladi. 15 noyabrgacha davom etadigan musobaqada qatnashuvchi qolgan hamyurtlarimizga ham mana shunday ulkan g'alabalar yor bo'lsin. Eslatib o'tamiz, bu terma jamoamiz uchun Tokio Paralimpiadasiga qo'lga kiritilgan sakkizinchi yo'llanmadir.