O'zbekistonlik sportchilar bodibilding va fitnes bo'yicha jahon chempionatida uchinchi o'rinni qo'lga kiritishdi

Dunyoning 51 davlatidan 600 nafardan ortiq sportchi ishtirok etgan ushbu musobaqada yurtimiz sharafini o'n ikki nafar sportchimiz himoya qildi.

Vakillarimiz jahon chempionatida quyidagi natijalarni qayd etishdi:

Pavel Umurzakov – masterlar va kattalar o'rtasida 90 kg vazn toifasida bodibilding yo'nalishi bo'yicha 1-o'rin.

Elena Bekirova – model fitnes yo'nalishi bo'yicha, yoshlar o'rtasida 1-o'rin, kattalar o'rtasida 2-o'rin.

Doston Xasanov – kattalar o'rtasida atlet fizik yo'nalishida 1-o'rin.

Rushana Maksumova – model fizik yo'nalishida yoshlar o'rtasida 2-o'rin, kattalar o'rtasida 3-o'rin.

Alyona Nuraeva – atlet fizik yo'nalishida kattalar o'rtasida 2-o'rin.

Farxod Subxanqulov – bodibilding yunalishi bo'yicha kattalar o'rtasida 3-o'rin.

Musobaqa yakunlariga ko'ra, umumjamoa hisobida O'zbekiston terma jamoasi 4 ta oltin, 3 ta kumush va 2 ta bronza medallari bilan umumjamoa hisobida uchinchi o'rinni qo'lga kiritdi.