O'zbekistonlik sportchilar para atletika bo'yicha Xitoy ochiq chempionatida 6ta medal qo'lga kiritishdi

Musobaqada 11 nafar hamyurtimiz ishtirok etdi. Qizg'in bahslar yakuniga ko'ra vakillarimiz 6ta medal qo'lga kiritdilar.

Erkaklar o'rtasida bo'lib o'tgan bahslarda Mansur Abdurashidov ko'zi ojiz sportchilar ichida 100 m. masofaga yugurish bo'yicha (00:11:31) kumush medal soxibiga aylandi. Yana bir sportchimiz Izzat Turg'unov jismoniy nuqsoni bor sportchilar o'rtasida xuddi shu masofada bronza medal va uzunlikka sakrashda (5.31m.) oltin medal qo'lga kiritdi.

Aleksandr Svechnikov nayza otishda (66.96m.), Safiya Burxanova yadro uloqtirishda (13.63m.) oltin medallarini qo'lga kiritdilar. Musobaqaning so'ngi kunida Mohigul Hamdamova nayza otishda 19.69m. natija bilan ikkinchi o'rinni egalladi.

Eslatib o'tamiz Pekin-2018 Ochiq chempionatida turli mamlakatlardan tashrif buyurgan 305 nafar sportchi ishtirok etdi. Sportchilarimiz bugun Pekin-Toshkent yo'nalishi bo'yicha yurtimizga qaytib keladilar.