03 dek 12:03
Yangiliklar

Tennis

O'zbekistonlik tennischi milliarder Alisher Usmonovning jiyaniga uylandi (FOTO+VIDEO)

30 noyabr kuni Toshkentdagi "O'zekspomarkaz" pavilonida tennischi Vaja Uzoqov va milliarder Alisher Usmonovning jiyani Gulnora Usmonovalarning nikox to'yi bo'lib o'tdi, deya xabar qilmoqda Daryo internet nashri.

Malum bo'lishicha, tennischi o'z vaqtida qo'shiqchi Munisa Rizaeva bilan yaqin munosabatlarda bo'lgan.

23 yoshli kelinbola esa moda blogeri, "Ganya" shaxsiy brendi asoschisi hisoblanadi.

Olamsport.com malumoti:

Vaja Uzakov 1988 yilning 4 iyun sanasida tavallud topgan. 7 yoshida tennis bilan shug'ullanishni boshlagan. Professional tennisdagi faoliyati davomida uning reytingdagi eng yaxshi ko'rsatkichi 698-o'rin, juftlik reytingida esa 316-o'rin hisoblanadi. So'nggi marotaba 2014 yilda turnirlarda qatnashgan. Faoliyati davomida to'plagan mukofot pullari qiymati 56 241 AQSH dollarini tashkil qilar ekan.

Yakkalik bahslarda bir marotaba 2009 yil "Volgograd Fyuchers"da finalgacha etib borgan. Juftlik bahslarida esa 3ta turnirda chempion, 6ta turnirda vice-chempion bo'lgan.

Terma jamoa safida 2010 yil bo'lib o'tgan Osiyo o'yinlarida kumush medal sohibiga aylangan.

Nima bo'lganida ham ikki yoshga baht tilab qolamiz.