O'zbekistonlik UFC sobiq jangchisi jarohat tufayli faoliyatini yakunlashi mumkin

So'nggi bor o'tgan yili jang qilgan Zarruh Adashev iyun oyida elon qilgan postida, sentyabr yoki dekabr oylarida navbatdagi jangini o'tkazishi mumkinligini aytgan edi. Biroq hamyurtimizning malum qilishicha, uning jang qilishiga jarohat to'sqinlik qilmoqda:

"Bu 50 ga 50 holat. Menda jarohat bor va bu nerv to'qimalariga tasir qilishi mumkin ekan. SHifokorning aytishicha, agar men dekabr oyida jang qilib, boshimga og'ir zarba o'tkazib yuborsam, falaj bo'lib qolishim ham mumkin ekan. SHuning uchun men bu jangda tavakkal qilgim kelmadi. Avval shifokor bilan jarohat borasida yaxshilab gaplashib, keyin kareram bo'yicha qaror qabul qilaman. Agar sportni tashla, deyishsa, tashlash kerak bo'ladi. Davom ettiraver deyishsa, In SHa Alloh davom ettiraman. Ko'ramiz. To'g'risini aytsam, mening o'zim yana jang qilishni xohlayman", - dedi Adashev.

Malumot uchun, Zarruh Adashev 2020-2022 yillar oralig'ida UFC'da to'rtta jang o'tkazgan va ularning bittasida g'alaba qozongan, uchta jangda mag'lubiyat alamini totib ko'rgan. SHuningdek, Zarruh Adashev Bellator ligasida ham uchta jang o'tkazib, ularning barchasida zafar quchgan.