O'zbekistonning eng kuchli atletlari saralandi

Turli masofalarga yugurish bahslarida Sunnat Ismoilov, Ulug'bek Murtazoev, Murod Magomedrasulov, Evgeniy Fadeev, Roman SHtukan, Liliya Manasipova, Kamilla Mirsolieva, Gulhayo Rahimova, Zulfizar Abdullaeva, Sabina Talacheva, Husnida Ahmedova marra chizig'ini birinchi bo'lib bosib o'tdi. 60 metrga to'siqlar osha yugurishda Anvar Safarov va Natalya Asanova birinchi o'rinni egalladi.

Uzunlikka, balandlikka va uch hatlab sakrashda Nikita Loginov, Temur Rahmatullaev, Ruslan Qurbonov, Irina Belova, Aleksandra Yurkevskaya shohsupaning eng yuqori pog'onasiga ko'tarildi.

Qizlar o'rtasidagi beshkurash bahslarida Elezaveta SHus, o'g'il bolalar o'rtasidagi ettikurashda Aziz Seytojiev mamlakatimiz chempionligini qo'lga kiritdi. Yadro uloqtirishda Ruslan Qurbonov va Irina Belova oltin medalga sazovor bo'ldi.