O'zDJTSUning Farg'ona filialida sharoitlar qay darajada?

Xabar berganimizdek, Jismoniy tarbiya va sport vaziri o'rinbosari Avazjon Karimov rahbarligidagi Ishchi guruh xizmat safari bilan Farg'ona viloyatida bo'lib turibdi. Ishchi guruh dastlab Farg'ona viloyati sport o'yinlari va engil atletikaga ixtisoslashtirilgan bolalar-o'smirlar sport maktabiga tashrif buyurib, amalga oshirilgan ishlar, maktabning moddiy-texnik bazasi va yaratilgan sharoitlar bilan yaqindan tanishgan edi.

Kunning ikkinchi yarmida Ishchi guruh vakillari O'zbekiston davlat jismoniy tarbiya va sport universitetining Farg'ona filialida bo'lishdi. Tashrif davomida universitetning moddiy-texnik bazasi, talabalarga yaratilgan imkoniyatlar bilan yaqindan tanishdi. Mutasaddilarga tegishli ko'rsatmalar berildi.

SHuningdek, Avazjon Karimov rahbarligidagi Ishchi guruh Qo'qon shahrida tashkil etilgan Ashixara karate bo'yicha o'smirlar va yoshlar o'rtasida Qo'qon shahar ochiq birinchiligining final bahslarini ham kuzatishdi hamda g'olib va sovrindorlarni taqdirlash marosimida ishtirok etdi.