O'zDJTSUning “Lochin” futbol jamoasi 2020 yilgi mavsum chempioni

Final bahsida Toshkent viloyati futbol mahorati maktabining “FK Akademiya” va O'zbekiston davlat jismoniy tarbiya va sport universitetining “Lochin” futbol jamoalari maydonga tushishdi.

Keskin va murosasiz kurashlarga boy o'tgan final uchrashuvi 3:2 hisobida universitetimiz talabalaridan tashkil topgan “Lochin” futbol jamoasining g'alabasi bilan yakunlandi.

“Lochin” futbol jamoasi Toshkent viloyati birinchiligi II – liga o'yinlarining 2020 yilgi mavsumi g'olibligini va O'zbekiston professional futbol ligasining 1 ligasiga o'tish o'yinlarida ishtirok etish yo'llanmasini qo'lga kiritdi.

SHuningdek, O'zDJTSUning “Lochin” futbol jamoasi darvozaboni Muxiddin Nurmatov Toshkent viloyati birinchiligi II – liga o'yinlarining eng yaxshi darvozaboni deb topildi.  

Uchrashuv yakunlangandan so'ng Toshkent viloyati birinchiligi II – liga o'yinlarining 2020 yilgi mavsumi g'olib va sovrindorlari hamda mavsum davomida o'zini har tomonlama namoyish etgan iqtidorli futbolchilar Toshkent viloyati futbol associaciyasi tomonidan musobaqa ramziy kuboklari, diplom, medallar, qimmatbaho esdalik sovg'alar bilan taqdirlandilar.

O'zDJTSU matbuot xizmati