07 avg 11:02
Yangiliklar

Tennis

Palermo Ladies Open. Kontaveyt 1/4 finalga chiqdi

Italiyaning Palermo shahrida restartdan keyingi ilk WTA turniri davom etmoqda.

Musobaqada chorak final ishtirokchilari malum bo'ldi. Dunyoning 22-raketkasi bo'lib turgan Anett Kontaveyt ham ushbu bosqichga etib kelgan sakkiz tennischidan biriga aylandi.

Estoniyalik 24 yoshli Anett ikkinchi davra uchrashuvida reytingning 65-pog'onasidan joy olib turgan germaniyalik 32 yoshli Laura Zigemunddan ustun keldi - 3/6, 6/2, 6/2. Uchrashuv 2 soatu 18 daqiqa davom etgan. Endi Kontaveyt Palermo Ladies Open 1/4 finalida italiyalik Elizabetta Kochchiarettoga qarshi kortga chiqadi.