Para-atletlarimiz Gran-prini jahon rekordi bilan boshlashdi

Musobaqaning birinchi kun doirasida bir qator yo'nalishlarda g'olib va sovrindorlar aniqlab olindi.

Ahamiyatlisi, ushbu kun bellashuvlarini hamyurtlarimiz muvaffaqiyatli o'tkazib olishdi. Ayniqsa, o'z toifalarida bahs olib borgan yadro uloqtiruvchilarimiz yuqori natijalar qayd etishdi. Bu borada F40/41 toifalarida kechgan kurashni alohida takidlab o'tish mumkin. 2019 yil jahon chempionati orqali Tokio-2020 Paralimpiadasiga yo'llanma olgan vakilimiz Bobur Omonov musobaqaga yuqori sport formasida tashrif buyurganini amalda isbotlab, oltin medal qatori jahon rekordini yangilashga muvaffaq bo'ldi. Ushbu yo'nalishda ishtirok etgan boshqa bir vakilimiz Mansur G'oibnazarov esa kumush medal bilan taqdirlandi.

SHuningdek, yana bir Olimpiada licenziatimiz Elbek Sultonov yadro uloqtirishning (F12 toifasida) oltin, uzunlikka sakrashda Sabina Suxanova (T37/38 toifalarida) bronza medaliga sazovor bo'lishdi. Bu bilan barcha sovrindor hamyurtlarimiz jahon va Olimpiada reytingi uchun qimmatli ochkolarini o'z hisobiga yozib qo'yishdi.