Para-dzyudochilarimiz Britaniyada o'tadigan musobaqaga tayyorlanishmoqda

Para-dzyudo bo'yicha O'zbekiston terma jamoasi 10 yanvardan boshlab Toshkentdagi Paralimpiya markazida navbatdagi o'quv-mashg'ulot yig'iniga kirishdi. Unda 21 sportchi 3 nafar murabbiy qo'l ostida mashg'ulotlarda ishtirok etmoqda.

“Hozirda biz aprel oyida Buyuk Britaniyada bo'lib o'tadigan licenzion musobaqaga tayyorgarlik ko'ryapmiz. Birinchi bosqichda sportchilarning jismoniy holatini o'rgangan bo'lsak, mana endi ikkinchi bosqichda ulardagi kamchiliklar ustida ish olib boryapmiz va asosiy urg'uni texnika hamda jismoniy tayyorgarlikka qaratganmiz. Barcha sportchilar berilgan topshiriqlarni astoydil bajarmoqda. Anchadan buyon xalqaro musobaqalar o'tkazilmayotgani bois, sportchilar bunday musobaqalarni sog'ingan.

SHu o'rinda ushbu o'quv-mashg'ulot yig'inini tashkil etishda yordam berayotgan hukumatimiz hamda sportimiz rahbariyatiga shaxsan o'zim va barcha sportchilar nomidan minnatdorchilik bildiraman”, – dedi para-dzyudo terma jamoasi bosh treneri Adham Jamolov.