Paralimpiada-2020 olovi Londonda yoqiladi

“O'z nuringni baham ko'r” shiori ostida o'tkaziladigan estafeta Paralimpiya o'yinlariga bo'lgan qiziqishni oshirish va bayramona muhitni yaratish maqsadida tashkil etiladi.

Olov yoqish mintaqaviy marosimlari Yaponiyaning 47 ta perefekturasida 2020 yil 13 avgustdan 21 avgustgacha jami 700 dan ortiq joylarda bo'lib o'tadi.

2020 yil 20 avgust kuni Paralimpiya harakatining ruhiy vatani bo'lgan Buyuk Britaniyadagi “Stok Mandevil” stadionida Paralimpiya olovini yoqish marosimi bo'lib o'tadi. Ushbu tadbirda paralimpiyachilar va jamoatchilikning minglab azolari Para sport turlari namoyishlari, olov bilan namoyish etiladigan ajoyib tomoshalar va boshqa tadbirlarga guvoh bo'ladilar.

Mintaqaviy olov yoqish festivallari va boshqa marosimlaridan tashqari, Paralimpiya tadbirlari o'tkaziladigan to'rt prefekturada mashala estafetalari o'tkaziladi. Yaponiya va “Stok Mandevilda” alanga olgan olovlar 21 avgust kuni Tokioda birlashtirilib, rasmiy Paralimpiya olovi yoqiladi. Paralimpiya mashalasi estafetasi final bosqichi to'rt kun davom etadi.

Hozirda olov yoqish marosimlari va estafetalar uchun nomzodlar tanlab olish jarayoni bo'lib o'tmoqda.