Paralimpiya: O'zbekiston va Ozarbayjon o'rtasidagi hamkorlik yangi bosqichga chiqadi

Mazkur musobaqa davomida O'zbekiston Milliy Paralimpiya qo'mitasi delegaciyasi azolari Ozarbayjon Milliy Paralimpiya qo'mitasi rahbariyati bilan uchrashdi. Jumladan, O'zbekiston Milliy Paralimpiya qo'mitasi bo'lim boshlig'i o'rinbosari SHaxboz Ismoilov Ozarbayjon Milliy Paralimpiya qo'mitasi prezidenti Ilgar Rahimov hamda bosh kotibi Kamal Mammadov bilan uchrashdi.

Muloqot davomida tomonlar jismoniy imkoniyati cheklangan va nogironligi bo'lgan shaxslar o'rtasida Paralimpiya harakatini ommalashtirish va rivojlantirishda o'zaro hamkorlikni yangi bosqichga olib chiqish, ikki qardosh mamlakat sportchilari o'rtasida xalqaro o'quv-mashg'ulot yig'inlari tashkil etish va bu boradagi loyihalarni qo'llab-quvvatlash masalalarini muhokama qilishdi.

Do'stona muloqot ruhida kechgan uchrashuv yakunida tashkilotlar o'rtasidagi hamkorlikning aniq yo'nalishlari belgilab olindi.