Paralimpiya. “Xotin-qizlar kubogi” musobaqasi tashkil etildi

Jumladan, hozirgi paytda O'zbekiston Paralimpiya terma jamoalari azolarining 40 foizini ayollar tashkil etadi. Ayniqsa, para engil atletika, para pauerlifting, para taekvondo, para suzish, para dzyudo kabi sport turlarida o'zbekistonlik ayollar yuqori o'rinlarni egallab kelishmoqda.

2021 yil Tokioda bo'lib o'tgan XVI yozgi Paralimpiya o'yinlarida 10 nafar ayol para sportchi g'olib va sovrindor bo'ldi. Bu esa O'zbekiston delegaciyasi tomonidan qo'lga kiritilgan jami medallarning 60 foizini tashkil qiladi.

Guljanoy Naimova, Ro'za Qo'zieva, SHaxnoza Mirzaeva, Mohigul Hamdamova, Nurxon Qurbonova, Asila Mirzayorova, Sofiya Burxanova kabi ayol para sportchilarning xalqaro arenalarda qo'lga kiritayotgan yutuqlari O'zbekistonda nogironligi bo'lgan ayollarga motivaciya berib, ularni Paralimpiya sport turlariga jalb etishda namuna bo'lib xizmat qilmoqda.

Yuqoridagilardan kelib chiqib, yurtimizda nogironligi bo'lgan ayollar o'rtasida Paralimpiya harakatini yanada ommalashtirish, ularni para sport turlariga keng jalb qilish maqsadida O'zbekiston Respublikasi Sport vazirligi, O'zbekiston Respublikasi Prezidenti huzuridagi Ijtimoiy himoya milliy agentligi, Oila va xotin-qizlar qo'mitasi, Yoshlar ishlari agentligi hamda O'zbekiston Milliy paralimpiya qo'mitasi hamkorligida 8 mart – Xalqaro xotin-qizlar kuni munosabati bilan joriy yilning 4 mart kuni poytaxtimizda joylashgan INNO o'quv-ishlab chiqarish texnoparkida “Xotin-qizlar kubogi” musobaqasi o'tkazildi. Ananaviy tarzda tashkil etilgan turnirda mamlakatimizning turli hududlaridan kelgan 100 nafarga yaqin kar va zaif eshituvchi, tayanch harakat azolari shikastlangan va aravachada harakatlanuvchi hamda zaif ko'ruvchi va ko'zi ojiz xotin-qizlar sportning para shaxmat hamda para stol tennisi turlari bo'yicha o'zaro g'oliblik uchun bahs olib borishdi.

Musobaqa yakunida sovrinli o'rinlarni qo'lga kiritgan xotin-qizlar tashkilotchilar tomonidan maxsus diplom, medal, kubok hamda qimmatbaho sovg'alar bilan taqdirlandi. SHuningdek, musobaqada qatnashgan barcha ishtirokchilarga esdalik sovg'alari topshirildi.

SHuningdek, ushbu tadbir doirasida “Matonat marafoni” ham o'tkazildi. Unda o'z sohalarida yuqori natijalarga erishgan nogironligi bo'lgan xotin-qizlar musobaqa ishtirokchilariga o'zlarining muvaffaqiyat yo'llari haqida so'zlab berishdi.