13 apr 14:30
Yangiliklar
Boshqalar
Paralimpiyachilar o'rtasida musobaqa o'tkazildi
Poytaxtimizda O'zbekiston Milliy paralimpiya associaciyasi tomonidan taniqli estrada va kino yulduzlari hamda paralimpiyachilar o'rtasida stol tennisi bo'yicha "Paralimpiya kubogi" musobaqasi o'tkazildi.
Musobaqada ellikka yaqin sanatkor va 2016 yili Braziliyaning Rio-de-Janeyro shahrida o'tkazilgan XV yozgi Paralimpiya o'yinlarida mamlakatimiz sharafini munosib himoya qilgan sportchilar g'oliblik uchun kuch sinashdi.
Musobaqaning finalida Dilshod Qurbonov va Izzat Hamroev uchrashdi. Teng kurashlar ostida o'tgan mazkur o'yinda istedodli paralimpiyachimiz D.Qurbonov zafar quchib, "Paralimpiya kubogi" sohibiga aylandi. Izzat Hamroev ikkinchi, Tolibjon Mo'minov esa uchinchi o'rinni egalladi.
G'olib va sovrindorlarga diplom va esdalik sovg'alari topshirildi.
Havola :
Manba : UzA
Fikrlar