13 apr 19:45
Yangiliklar

Boshqalar

Paralimpiyachilarimiz o'q otish bo'yicha Halqaro Gran-pri musobaqasida ikkita medal qo'lga kiritishdi

Teglar : Paralimpiya

Polshaning SHecin shahrida paralimpiyaning o'q otish sport turi bo'yicha Halqaro Gran-pri turniri bo'lib o'tmoqda.

Ushbu musobaqada hamyurtimiz, Rio 2016 Paralimpiya o'yinlari bronza medali sohibi Server Ibragimov hamda Aziz Ibragimovlar ishtirok etdilar.

Hamyurtlarimiz musobaqada bitta oltin va bitta kumush medallarini qo'lga kiritdilar. 10 metrga to'pponchadan otish bo'yicha final bellashuvlarida sportchimiz Server Ibragimov 237.4 natija bilan birinchi o'rinni egallagan bo'lsa, ikkinchi pog'onani boshqa bir vakilimiz (235,9 natija) Aziz Ibragimov band etdi.

Musobaqada 23ta mamlakatdan 228 nafar sportchi kuch sinashmoqda.

Vakillarimiz 16 aprel kuni Toshkent vaqti bilan soat 00:40da Istanbul-Toshkent yo'nalishi bo'yicha poytaxtimizga qaytib keladilar.