Paralimpiyachilarimiz tantanali kutib olindi, qahramonlarimiz pul, xonadon va avtomobillar bilan taqdirlanishdi (FOTO)

Matonat sohiblari bugun Islom Karimov nomidagi Toshkent xalqaro aeroportida tantanali kutib olindi.

Marosimda O'zbekiston Respublikasi Oliy Majlis Qonunchilik palatasi spikeri Nuriddin Ismoilov, O'zbekiston Respublikasi Bosh vaziri Abdulla Aripov, Prezident Administraciyasi departament rahbari Odil Abduraxmanov, Osiyo Olimpiya kengashi vice-prezidenti Otabek Umarov, Osiyo Paralimpiya qo'mitasi vice-prezidenti – O'zbekiston Milliy paralimpiya qo'mitasi raisi Muxtorxon Tashxodjaev, Milliy paralimpiya qo'mitasi raisining birinchi o'rinbosari SHahnoza Mirziyoeva, Toshkent shahar hokimi SHavkat Umrzoqov, Sport vazirligi va Milliy Olimpiya qo'mitasi rahbariyati, yuzlab muxlislar, sportchilarimizning yaqinlari va OAV xodimlari ishtirok etishdi.

Tadbirda Nuriddin Mo'ydinxonovich hamda Abdulla Nigmatovich matonatli para atletlarimizni erishgan muvaffaqiyatlari bilan yana bir karra qutlab, ular bugungi kunda Vatanimizning faxri ekanliklarini, hozirda barcha yoshlarga o'rnak bo'lib turishganini alohida takidlashdi.

O'z navbatida uch karra Paralimpiya o'yinlari chempioni Xusniddin Norbekov hamda oltin medal sohibi Asila Mirzayorova, murabbiy Sardor Abduholiqov, shuningdek, chempionlarning ota-onalari so'z olib, davlatimiz rahbarining bunday etiboridan mamnun ekanliklarini bildirishdi.

SHundan so'ng elimiz ardog'idagi sanatkorlar o'zlarining vatanparvarlik to'g'risidagi ajoyib kuy-qo'shiqlari bilan yig'ilganlarning kayfiyatini yana ko'tardi.

Tadbirning ikkinchi qismi Milliy paralimpiya qo'mitasida tashkil etildi. Unda Parij-2024 qahramonlariga davlat rahbarining sovg'alari topshirildi. Prezident qaroriga muvofiq,

– oltin medal sohiblari “Chevrolet Tahoe” avtomobili, 200 ming AQSH dollari va xonadon;

– kumush medal sohiblari “BYD Song Plus EV Champion” avtomobili, 100 ming AQSH dollari va xonadon;

– bronza medal sohiblari “BYD Song Plus DM-I Champion” avtomobili, 50 ming AQSH dollari va xonadon bilan taqdirlanishdi.

Taqdirlash marosimida so'z olgan sportchilarimiz davlatimiz tomonidan ko'rsatilayotgan bunday etibor va g'amxo'rlikdan judayam xursand ekanliklari, kelgusida ham yangi zafarlar bilan jonajon vatanimiz dovrug'ini dunyoga tanitish yo'lida bor kuch-g'ayratlarini ishga solishlarini bildirishdi.