Parij "Masters". Jokovich va Medvedev o'rtasidagi final uchrashuvi yakunlandi

Hal qiluvchi final bahsida dunyoning birinchi va ikkinchi raketkalari - serbiyalik Novak Jokovich hamda rossiyalik Daniil Medvedev o'zaro to'qnash kelishdi. Ikki soatu 16 daqiqa davom etgan uchrashuvda Jokovich 4/6, 6/3, 6/3 hisobida g'alaba qozonib, Parij "Masters" g'olibiga aylandi. 

Bahs davomida Novak 6 ta, Medvedev esa 7 ta eys zarbani amalga oshirdi. Jokovich hozirgi g'alabasi bilan US Open finalidagi mag'lubiyat uchun revansh oldi. Tennischilarning o'zaro uchrashuvlaridagi hisob Jokovich foydasiga bo'lib turibdi - 6:4! 

Medvedevning finalgacha bosib o'tgan yo'li:

· Ilya Ivashko - 7/5, 6/4

· Sebastyan Korda - 4/6, 6/1, 6/3

· Ugo Gaston - 7/6(7), 6/4

· Aleksandr Zverev - 6/2, 6/2  

Jokovichning finalgacha bosib o'tgan yo'li: 

· Marton Fuchovich - 6/2, 4/6, 6/3

· Gael Monfis - kurashsiz keyingi bosqichga chiqqan

· Teylor Fritc - 6/4, 6/3

· Xubert Gurkach - 3/6, 6/0, 7/6(5)