Parij Olimpiadasida rekord o'rnatgan bokschilarimizning shaxsiy murabbiylari kimlar?

Bokschilarimiz musobaqa yakuniga ko'ra, 5 ta oltin medal qo'lga kiritib, umumjamoa hisobida birinchi o'rinni egallashdi va bokschimiz tarixida yangi sahifa ochishdi. 

Bunda albatta bosh murabbiy To'lqin Qilichev boshchiligidagi murabbiylar shtabining xizmati beqiyos. Murabbiylar shtabida katta murabbiylar Rahmatjon Ro'zioxunov, Xuan Enrike, shuningdek murabbiylarimiz Ziyatdinbek Toygonbaev, Davron Gafurov, Farruh Qilichev, Ergali Yarashov, Alisher To'ychiev, Po'latjon SHahbazov, shifokor Komoljon Rasulov kabi mutaxassislarimiz ham faoliyat olib borishdi.

Bu safar O'zbekiston boks federaciyasi bokschilarimizning shaxsiy murabbiylarini ham Olimpiya o'yinlaridagi ishtirokini taminlab bergani alohida etiborga loyiq. Ko'pchilik muxlislarimiz Olimpiada chempioni bo'lgan bokschilarimizning shaxsiy murabbiylari haqida ham qiziqish bildirishgan. 

Unga ko'ra, Olimpiada chempionlarining shaxsiy murabbiylari ro'yxati shunday:

Hasanboy Do'smatov - Ziyatdinbek Toygonbaev

Abdumalik Xalokov - Davron Gafurov

Asadxo'ja Mo'ydinxo'jaev - Farrux Qilichev (Husanboy Qo'chqorov)

Lazizbek Mullojonov - Alisher To'ychiev (SHerzod Husanov)

Bahodir Jalolov - To'lqin Qilichev.