“Parij sari yo'l” selekcion Respublika turnirining navbatdagisi dzyudo bo'yicha tashkil etildi

Etiborlisi, bu jarayondan paralimpiya sport turlari ham chetda qolayotgani yo'q.

Xususan, jismoniy imkoniyati cheklangan va nogironligi bo'lgan shaxslar o'rtasida sog'lom turmush tarzini targ'ib qilish, ularning sport bilan muntazam shug'ullanishlari uchun zarur shart-sharoitlar yaratish yo'lida ko'plab ishlar amalga oshirilmoqda. Ayniqsa, 2021 yilning 18 may kuni O'zbekiston Respublikasi Prezidenti tomonidan imzolangan “Paralimpiya harakatini rivoj-lantirishga doir qo'shimcha chora-tadbirlar to'g'risida”gi Qaror mamlakatimizda Paralimpiya harakatini yangi bosqichga olib chiqishga xizmat qilmoqda. 

Hurmatli Prezidentimizning 2021 yil 5 noyabrda imzolagan “2024 yil Parij shahrida (Franciya) bo'lib o'tadigan XXXIII yozgi Olimpiya va XVII Paralimpiya o'yinlariga o'zbekiston sportchilarini kompleks tayyorlash to'g'risida”gi 5281-sonli qarori ijrosini sifatli tashkil etish maqsadida O'zbekiston Milliy paralimpiya qo'mitasi bir qator chora-tadbirlar rejasini ishlab chiqqan. 

Jumladan, mamlakatimizda zaif ko'ruvchi va ko'zi ojiz insonlar orasidan sportga qiziqishi va layoqati bo'lganlarni saralab olib, yaqin kelajakda yurtimiz sharafini munosib himoya qiladigan professional sportchilar tayyorlash ham ustuvor vazifa sifatida belgilab olingan.

17-18 fevral kunlari respublikamizning barcha xududlaridan para dzyudoga qiziqishi bo'lgan 150 nafardan ortiq zaif ko'ruvchi va ko'zi ojiz insonlar Toshkent shahriga tashrif buyurdi. Saralash tadbirining ochilish marosimida O'zbekiston Milliy paralimpiya qo'mitasi rahbariyati, trenerlar va mutaxassislar ishtirok etdi.

Poytaxtga tashrif buyurgan ishtirokchilar dastlab maxsus tibbiy ko'rikdan o'tkaziladi va ular orasidan para dzyudo sport turiga iqtidori bo'lganlar saralab olinadi  va ular ushbu sport turi bilan muntazam shug'ullanishga yo'naltiriladi.

O'zbekiston Milliy paralimpiya qo'mitasining bu kabi saralash tadbirlari davom etadi.