Pavlyuchenkova "Rolan Garros" 1/2 finalida!

Rossiyalik tennischi 2 soatu 33 daqiqa davom etgan chorak final uchrashuvida reytingda o'zidan 10 pog'onada yuqorida turgan qozog'istonlik raqibasi Elena Ribakinadan ustun keldi - 6/7(2), 6/2, 9/7.

Anastasiya ham, Elena ham bahs davomida 5 tadan eys zarbani amalga oshirishgan. Bu tennischilarning o'zaro o'tkazgan ilk uchrashuvi edi. O'z faoliyatida ilk bor "Katta Dubulg'a" turnirining yarim finalida o'ynaydigan Pavlyuchenkovaning final ostonasidagi raqibasi sloveniyalik Tamara Zidanshek bo'ladi.