"Paxtakor" "Everton" va "Monako"da o'ynagan futbolchining transferidan voz kechdi

Championat.asia saytining malumotlariga ko'ra, "Paxtakor" ivuarlik Lasina Traorening xizmatlariga qiziqish bildirgan. Biroq yakunda barchasi o'rganilgan holda uning transferini amalsha oshirmaslikni lozim topishgan. Bizga malum bo'lishicha jamoa futbolchining nomiga emas uning so'nggi yillardagi o'yiniga va harakatlariga ko'proq etibor qaratishni maqul ko'rgan.

Malumot o'rnida takidlash joiz, Lasina Traore futbolchilik faoliyati davomida shu kunga qadar "Stad Abidjan", (Kot-d’Ivuar), CHFR (Ruminiya), "Kuban", "Anji" (Rossiya), "Monako" (Franciya), "Everton" (Angliya), CSKA (Rossiya), "Sporting Xixon" (Ispaniya), "Amen" (Franciya), "Uypesht" (Vengriya), "Bandirmaspor" (Turkiya) kabi jamoalarda to'p tepgan. Uning so'nggi jamoalaridagi statistikasi esa havas qiladigan darajada emas. O'zi o'ynagan so'nggi beshta jamoada umumiy hisobda ettita gol urgan.

Kot-d’Ivuar milliy terma jamoasida 2012-2015 yillarda 13ta o'yin o'tkazgan va 4ta gol urgan.