16 fev 19:33
Yangiliklar

Olimpiya o'yinlari, Xokkey

Pekin-2022. Ayollar xokkeyida bronza medal sohibi malum + FOTO

Pekin-2022 Qishki olimpiya o'yinlarining ayollar o'rtasidagi xokkey musobaqasida bronza medali uchun uchrashuv bo'lib o'tdi.

"Ukesun Sports-centr" stadionida kechgan bahsda Finlyandiya va SHveycariya terma jamoalari muzga chiqishdi. Bir tomonning ustunligida o'tgan uchrashuvda Finlyandiya terma jamoasi 4:0 (1:0, 0:0, 3:0) hisobida zafar quchdi va Olimpiadaning bronza medalini qo'lga kiritdi.

Suomi tarkibida kiritilgan shaybalarga Viivi Vaynikka, Susanna Tapani, Nelli Laytinen va Mishel Karvinen mualliflik qilishdi. Ertaga final uchrashuvida AQSH va Kanada terma jamoalari muzga chiqishadi.

Eslatib o'tamiz, 2018 yilgi Pxyonchxan (Janubiy Koreya) Olimpiadasining finalida ham aynan shu ikki terma jamoa o'zaro to'qnash kelishgandi. O'shanda amerikaliklar bullitlar seriyasida g'alaba (3:2) qozonib, Olimpiada chempioni bo'lishgan edi.