"Pekinda inqilob qilayotgan murabbiy"ga ega "Ordji" - "Humo"ning bugungi raqibi

"Humo Arena"da tashkil etiladigan mazkur uchrashuvda vakillarimiz Xitoy poytaxti Pekin shahrining "ORDJI" jamoasiga qarshi bahs olib boradilar. 

Mazkur jamoa ayni paytda VXLda 24 ta o'yindan so'ng 22 ochko jamg'argan va 24-o'rinni egallab turibdi. Klub 2018 yilda tashkil etilgan. 2018/2019 yilgi mavsumda ilk marotaba Oliy xokkey ligasi (VXL)da ishtirok etgan. 

"Aochjun" arenasida o'z o'yinlarini o'tkazadi. 

"Humo" klubi matubot xizmatining xabar berishicha, jamoani amerikalik 40 yoshli Geri Grem boshqarib bormoqda. Xitoy OAVlarida uni "Pekinda inqilob qilayotgan murabbiy" sifatida tarif berishmoqda. 

Eslatib o'tamiz, o'yin soat 19:30da "Humo Arena"da boshlanadi. 

CHiptalar narxi 10 000 so'mdan 75 000 so'mgacha sotuvda. Bolalar uchun esa 50 foizlik chegirma mavjud. CHiptalarni arena kassalaridan va iTicket.uz sayti orqali sotib olishingiz mumkin.