Pley-off: "Humo" jamoasining 1/2 finaldagi raqibi malum!

Xabaringiz bor, Toshkentning "Humo" xokkey klubi Qozog'iston Ochiq chempionatida ishtirok etmoqda.

Jamoa muntazam chempionatni ikkinchi o'rinda yakunlab, pley-offga yo'l olgandi. 22 fevral kuni "qanotlilar" chorak final doirasida "Gornyak" jamoasini to'rt o'yin natijasiga ko'ra mag'lub etib, yarim final masalasini hal etgan edi.

Kecha chorak finaldan o'rin olgan yana bir bahsda "Beybaris" jamoasi "Aktobe"ni beshta o'yin natijasiga ko'ra 4:1 hisobida mag'lubiyatga uchratdi. SHu tariqa, "Humo" yarim final doirasida "Beybaris"ga qarshi bahs olib boradigan bo'ldi. Ilk uchrashuvlar seriyasi 11-12 mart kunlari poytaxtimizda o'tkaziladi.

Malumot uchun, 3 mart kuni bo'lib o'tadigan "Nomad" - "Arlan" o'yini g'olibi muntazam chempionatni birinchi o'rinda yakunlagan "Sariarka" jamoasiga yarim finalda raqiblik qiladi.