Plishkova - Zhengzhou Open turniri chempioni!

Hal qiluvchi final uchrashuvida sayyoramizning ikkinchi raketkasi Karolina Plishkova xorvatiyalik Petra Martichga qarshi kortga chiqdi. CHexiyalik tennis malikasi reytingning 23-pog'onasidan joy olib turgan raqibasidan 6/3, 6/2 hisobida ustun keldi. 

Bir soatu 36 daqiqa davom etgan final uchrashuvida 27 yoshli Plishkova 7 ta eys zarbasini amalga oshirdi. Karolina o'zaro beshinchi bahsga kelibgina Petrani mag'lub etishning uddasidan chiqdi. Zhengzhou Open turniridagi muvaffaqiyatli ishtirok Plishkovaga 470 reyting ochkosi hamda 267 900 dollar mukofot pulini taqdim etdi.