Politt "Tur de Frans" 12-bosqichi g'olibi + FOTO

Bora-Hansgrohe jamoasi sharafini himoya qilayotgan Politt belgilangan 159,4 km masofani 3 soatu 22 daqiqa 12 soniya ichida bosib o'tdi. Ikkinchi o'rinni Movistar jamoasining ispaniyalik poygachisi Imanol Erviti (+0.31) egalladi. Lotto Soudal vakili, avstraliyalik Xarri Suini (+0.31) marraga uchinchi bo'lib etib keldi.

Bugun 13-bosqich poygasi 219,9 km masofada o'tkaziladi. Ortda qolgan 12 bosqich yakunlariga ko'ra sloveniyalik Tadey Pogachar (UAE Team Emirates) peshqadamlik qilyapti. Kolumbiyalik Rigoberto Uran (+5.18) ikkinchi, daniyalik Yonas Vingegor (+5.32) uchinchi pog'onadan joy olgan.

Malumot uchun, nufuzli "Tur de Frans" musobaqasi o'z tarixida 108-marotaba tashkil etilyapti. Bu yilgi bahslar Franciya va Andorra davlatlari hududida o'tkazilyapti. 21 bosqichdan iborat poyganing umumiy masofasi 3 414 kilometrni tashkil qiladi. Finish 18 iyul kuni Parij shahridagi mashhur Elisey maydonida bo'lib o'tadi. O'tgan yili Tadey Pogachar (UAE Team Emirates) musobaqa g'olibi bo'lgandi.