15 apr 12:23
Yangiliklar

Tennis

Polona Xercog Luganoda tengsiz bo'ldi!

Sayyoramizning 89-raketkasi Polona Xercog SHveycariyaning Lugano shahrida yakunlangan turnir g'olibasiga aylandi.

Sloveniyalik tennischi final uchrashuvida polshalik Iga Svyontekka qarshi kortga chiqdi. WTA reytingida 115-o'rinni egallab turgan 17 yoshli Svyontek turnir kashfiyotiga aylandi.

Ikki soatu 16 daqiqa davom etgan final bahsida 28 yoshli Xercog tajribasi evaziga 6/3, 3/6, 6/3 hisobida g'alaba qozonib, bosh mukofotni boshi uzra baland ko'tardi. Samsung Open turniridagi g'alaba Xercogga 280 reyting ochkosi hamda 43 000 dollar mukofot puli keltirdi.