Poytaxt viloyati dzyudochilari O'zbekiston chempionatida umumjamoa hisobida birinchi bo'lishdi

Buni yakuniy natijalar ham isbotlaydi. O'n to'rt hududiy terma jamaolardan o'n uchtasi kamida bitta bronza medalini qo'lga kiritdi. Bu umumiy ishtirokchilar ko'rsatkichida 93 foizni tashkil etdi. Barcha o'n to'rt jamoaning kuchli beshlikdan joy olishi bo'yicha yuz foizlik natida qayd etildi. 

Kattalar o'rtasidagi bo'lajak O'zbekiston chempionati mezbonlari hisoblangan Jizzax viloyati dzyudochilari 2 ta oltin, 2 ta kumush, 2 ta bronza medalini qo'lga kiritishdi. Bu juda ham yaxshi natija. 

Uch kunlik bellashuvlar yakuniga ko'ra umumjamoa hisobida Toshken viloyati terma jamoasi 4 ta oltin, 1 ta kumush, 2 ta bronza medali bilan birinchi o'rinni egalladi. Xorazm viloyati 3 ta oltin, 7 ta kumush, 7 ta bronza medali bilan ikkinchi o'rinni band etdi. Xorazmlik dzyudochilar musobaqada eng ko'p medal qo'lga kiritishdi - 17 ta! 

Kuchli uchlikka Buxoro viloyati jamoasi 3 ta oltin, 6 ta bronza medali bilan yakun yasab berdi. Toshkent shahri, Samarqand, Jizzax va mezbon Farg'ona viloyati terma jamoalari safida ikki nafardan O'zbekiston chempioni bo'ldi. Surxondaryo va Namangan jamoalari tarkibida bir nafardan chempion bor.