Poytaxtimiz aprel oyida IJF taqvimiga kiritilgan musobaqaga mezbonlik qiladi

1995 yildan beri muntazam ravishda tashkil etib kelingan ushbu xotira turniri pandemiya sabab 2019 va 2020 yillarda o'tkazilmadi. Bu yilgi turnir 5-8 aprel kunlari poytaxtimizdagi "Universal" sport saroyida bo'lib o'tadi. 5-6 aprel kunlari kadetlar (2005-2007), 7-8 aprel sanalarida yoshlar (2002-2007) o'rtasida g'olib va sovrindorlar aniqlanadi. 

Xalqaro dzyudo federaciyasi (IJF) taqvimidan o'rin olgan ushbu musobaqaga tayyorgarlik ko'rish va yuqori saviyada tashkil etish yuzasidan ishchi guruhning yig'ilishi o'tkazildi. Unda ishtirokchi davlat delegaciyalarini kutib olish, mehmonxonalarga joylashtirish, Covid uchun test topshirish jarayonini tashkil etish kabi masalalar muhokama qilindi. 

Hozirgacha Gruziya, Qozog'iston, Qirg'iziston, Tojikiston kabi davlat terma jamoalari Uchqun Murodov xotira turnirida qatnashish istagini bildirishgan.