Poytaxtimiz yana bir nufuzli musobaqaga mezbonlik qiladi

Ushbu nufuzli musobaqa Toshkent shahrida to'rtinchi marotaba tashkil etilmoqda. Bu galgi Gran-Pri turnirida 15 mamlakatdan 140 nafar dzyudochi 7ta vazn toifasida medallar uchun tatamiga chiqadi.

Mezbon sifatida O'zbekiston terma jamoasi har bir vazn toifasida 4 nafardan sportchi bilan ishtirok etishi mumkin. Bizga xabar berishlaricha, Toshkent Gran-Prisida 56 nafar dzyudochimiz yurtimiz sport sharafini himoya qiladi.

Musobaqaning birinchi kuni, yani 6 oktyabrda erkaklar -60 va -66, ayollar esa -48, -52 hamda -57 kg vazn toifalarida bahslarga kirishishadi. SHu kunning o'zida ushbu vaznlarda g'olib va sovrindorlar aniqlanadi.