Poytaxtimizda jismoniy imkoniyati cheklangan bolajonlar uchun sport marafoni tashkil qilindi

O'zbekiston Respublikasi Prezidentining 2017 yil 9 martdagi “O'zbekiston sportchilarini 2020 yil Tokio shahri (Yaponiya)da bo'lib o'tadigan XXXII yozgi Olimpiya va XVI Paralimpiya o'yinlariga tayyorgarlik ko'rishi to'g'risida”gi PQ-2821-sonli qarori bunda muhim omil bo'lib xizmat qilmoqda. Buning samarasi o'laroq paralimpiyachilarimiz xalqaro miqyosdagi nufuzli musobaqalarda, Paralimpiya o'yinlarida yurtimiz sharafini munosib himoya qilmoqdalar.

SHu kunlarda O'zbekiston Milliy Paralimpiya Associaciyasi O'zbekiston Respublikasi Jismoniy tarbiya va sport vazirligi bilan hamkorlikda Toshkent shahrida joylashgan imkoniyati cheklangan bolalar maxsus maktab-internatlari va kolleji tarbiyalanuvchilari o'rtasida paralimpiya sport turlari bo'yicha bir qator sport musobaqalarini o'tkazmoqda.

Jumladan bugun, Bobur nomidagi Toshkent markaziy eko bog'ida 100-sonli imkoniyati cheklangan bolalar maxsus maktab-internati va zaif ko'ruvchi bolalar maxsus maktab-internati tarbiyalanuvchilari o'rtasida sport marafonini o'tkazildi. Mazkur marafonda 80 nafarga yaqin bola sovrinli o'rinlar uchun kuch sinashdi.

Musobaqa davomida ishtirokchilarni qo'llab-quvvatlash maqsadida elimiz suygan sanatkorlar o'zlarining chiqishlari va bolajonlarga bildirgan tilaklari bilan barchani hushnud qildilar. Tadbir co'ngida musobaqa g'oliblari O'zbekiston Respublikasi Jismoniy tarbiya va sport vazirligi hamda O'zbekiston Milliy Paralimpiya Associaciyasining esdalik sovg'alari bilan taqdirlandilar.