Poytaxtimizda taekvondo WT bo'yicha xalqaro turnir start oldi

O'z tarixida 15-marotaba tashkil etilayotgan musobaqada 2007 yildan oldin tug'ilgan kattalar, shuningdek, kadetlar, o'smirlar hamda 2013-2014 yillarda tug'ilgan kichik o'smirlar o'rtasida kyorigi bellashuvlari, shuningdek, barcha yosh toifalarida pumse yo'nalishidagi bahslar va parataekvondo musobaqasi o'tkaziladi.

Musobaqaning bugungi kuni doirasida o'smirlar o'rtasida kyorigi va barcha yosh toifalarida pumse bahslari bo'lib o'tmoqda.

Qayd etish joiz, musobaqada Respublikamizning barcha hududlaridan, bundan tashqari, qo'shni mamlakatlar - Tojikiston, Qozog'iston, Qirg'iziston va Rossiyadan kelgan jami 1000 nafarga yaqin sportchilar g'oliblik uchun kurash olib bormoqda.