15 avg 10:02
Yangiliklar

Tennis

Prague Open. Simona Xalep 1/2 finalda!

CHexiya poytaxti Praga shahrida tennis bo'yicha Prague Open turniri davom etmoqda.

Sayyoramizning ikkinchi raqamli tennis malikasi Simona Xalep ortiqcha qiyinchiliksiz musobaqaning yarim finaliga yo'l oldi. Ruminiyalik tennischi chorak finalda reytingning 174-pog'onasidan joy olgan polshalik Magdalena Freshga hech qanday imkoniyat qoldirmadi - 6/2, 6/0.

Uchrashuv 1 daqiqasi kam 1 soat davom etgan. Simona 2 ta eys zarbasini amalga oshirdi. Bu tennischilarning o'zaro ilk uchrashuvi edi. Xalepning yarim finaldagi raqibasi yakuniga etmay qolgan ruminiyalik Irina Begu hamda ispaniyalik Sara Sorribes-Tormo bahsidan so'ng malum bo'ladi.