President's Cup. Humoyun Sultonov 4-raketkani mag'lub etdi

Mukofot jamg'armasi 40 ming AQSH dollarini tashkil etuvchi musobaqada ikkinchi raketkamiz Humoyun Sultonov ham muvaffaqiyatli odimlayapti. Dunyoning 550-raketkasi bo'lib turgan Sultonov ikkinchi davra uchrashuvida turnirning to'rtinchi raketkasi, qozog'istonlik Dmitriy Popkoni musobaqadan chiqarib yubordi. 

Taqqoslash uchun, mezbonlar vakili ATP reytingining 375-pog'onasidan joy olgan. Birinchi set tay-brekda 6/7(4) hisobida Popko foydasiga hal bo'ldi. Ikkinchi setda Humoyun tajribali raqibiga bironta ham geym bermadi - 6:0. Hal qiluvchi uchinchi setning uchinchi geymidan so'ng Dmitriy bahsni davom ettira olmasligini bildirdi.

SHu tariqa, Sultonov 1/4 finalga yo'l oldi. Ertaga hamyurtimiz yarim final chiptasi uchun rossiyalik Evgeniy Filippovga qarshi kortga chiqadi. Bu tennischi reytingda 649-pog'onada bormoqda.