Prezident Cup. CHempionlik taqdiriga tasir qiluvchi 8-tur uchrashuvlari boshlandi

Dunyoning ko'zga ko'ringan grossmeysterlari mukofot jamg'armasi 75 000 AQSH dollarini tashkil etuvchi Prezident Cup musobaqasi bosh sovrini uchun bahs olib borishyapti. Biroz avval 8-tur partiyalari boshlandi. Kechagi g'alabasi evaziga peshqadamlikni qo'lga olgan Javohir Sindarov turnirning ikkinchi saralangan ishtirokchisi Nihal Sarin (Hindiston, 2676)ga qarshi qora donalarda harakat qilmoqda. 

Birinchi doskada musobaqaning birinchi tartib raqamli shaxmatchisi Nodirbek Abdusattorov oq donalarda xitoylik Xu Mingui bilan munosabatlariga oydinlik kiritib olyapti. Kecha o'zbek derbisida Nodirbek Yakubboevni mag'lub etgan SHamsiddin Vohidov hind shaxmatchisi Nilash Sahaga qarshi dona suryapti.     

Musobaqa yakunlanishiga ikki tur qolgan bir paytda Javohir Sindarov va Nihal Sarin 6 tadan ochko jamg'arishgan. SHamsiddin Vohidov va Nilash Saha hisobida 5,5 tadan ochko bor. Aynan mana shu ikki juftlikdagi o'yin natijasi chempionlik taqdiriga katta tasir o'tkazadi.