Prezident Farmonining mazmun-mohiyati hamda ijro intizomini mustahkamlashga qaratilgan o'quv-amaliy seminar o'tkazildi

Seminar videokonferenciya shaklida tashkil etilib, unda bir nechta studiyadan turli vazirliklar va idoralarning xodimlari ishtirok etishdi.

Yig'ilishni tashkil etishdan ko'zlangan maqsad, O'zbekiston Respublikasi Prezidentining 2021 yil 10 fevraldagi “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo'shimcha chora-tadbirlar to'g'risida”gi PF–6166-sonli Farmoni mazmun-mohiyatini tushuntirish hamda ijro intizomini yanada mustahkamlashga qaratildi.

Dastlab, Vazirlar Mahkamasi apparati boshqaruvchisining o'rinbosari Xaitbay Xaitbaev mazkur Prezident Farmonining mazmun-mohiyati haqida qisqacha tushuntirish berdi hamda o'quv-amaliy seminarni ochib berdi.

SHundan so'ng, Vazirlar Mahkamasining tegishli kotibiyat mudirlari o'z yo'nalishlaridagi vazirliklar va idoralarda ijro intizomining bajarilishi yuzasidan maruzalar bilan chiqish qildi.

Videokonferenciyada Jismoniy tarbiya va sport vazirligi majlislar zalidan vazirlik, shuningdek Turizmni rivojlantirish davlat qo'mitasi, Milliy olimpiya qo'mitasi hamda Milliy antidoping agentligi rahbar va masul xodimlari ishtirok etishdi. 

Yig'ilishda Jismoniy tarbiya va sport vazirligida ijro intizomining borishi yuzasidan Axborot-tahlil boshqarmasi boshlig'i Isomiddin Po'latov ham maruza qildi. O'quv-amaliy seminar yakunida Hukumat topshiriqlarining ijrosini o'z vaqtida va sifatli taminlash bo'yicha tezkor choralar ko'rish bo'yicha vazirlik va idoralarga tegishli topshiriqlar berildi.