Prezident Kubogi. Birozdan so'ng Nodirbek Abdusattorov derbida peshqadamga qarshi partiyani boshlaydi

Dunyoning ko'zga ko'ringan grossmeysterlari mukofot jamg'armasi 75 000 AQSH dollarini tashkil etuvchi Prezident Kubogi musobaqasi bosh sovrini uchun bahs olib borishyapti. A guruhida qo'shimcha ko'rsatkichlarga ko'ra peshqadamlik qilayotgan Ortiq Nig'matov (2447) soat 14:00da boshlanadigan 5-turda birinchi raqamli shaxmatchimiz Nodirbek Abdusattorov (2777)ga qarshi oq donalarda o'ynaydi. Ikkala shaxmatchimiz ham 3,5 tadan ochkoga ega bo'lib turibdi.  

Yana ikkita juftlikda 3,5 ochkodan jamg'argan shaxmatchilar o'zaro munosabatlariga oydinlik kiritib olishadi. Grossmeyterimiz Javohir Sindarov (2682) FIDE bayrog'i ostida harakat qilayotgan rossiyalik Ivan Zemlyanskiy (2543)ga qarshi bahs olib boradi. Kecha Nodirbek Abdusattorovdan ochko tortib olgan Murali Kartekyan (Hindiston, 2625) vatandoshi Nihal Sarin (2676) bilan hisob-kitob qiladi. 

Uch ochkoga ega grossmeysterimiz Muhiddin Madaminov (2501) ikkinchi raqamli ishtirokchi (Eron, 2712)ga qarshi oq donalarda o'ynaydi. SHamsiddin Vohidov (2681) 5-turda rossiyalik Aleksey Aleksandrov (2425) bilan to'qnash keladi. Nodirbek Yakubboev (2668) esa o'z singari 3 ochko to'plagan qozog'istonlik Aristanbek Urazaev bilan uchrashadi.