Prezident Kubogi. Bugun ham ikki grossmeysterimiz o'rtasidagi derbiga guvoh bo'lamiz, Abdusattorov esa hind shaxmatchisiga qarshi!

Dunyoning ko'zga ko'ringan grossmeysterlari mukofot jamg'armasi 75 000 AQSH dollarini tashkil etuvchi Prezident Kubogi musobaqasi bosh sovrini uchun bahs olib borishyapti. Bugun 7-turning birinchi doskasida birinchi raqamli shaxmatchi Nodirbek Abdusattorov (2777) qora donalarda hindistonlik Puranik Abhimanyu (2682)ga qarshi o'ynaydi. Bugungi uchrashuv oldidan Nodirbek 4,5 ochko bilan 6-o'rinni egallab turibdi. SHuncha ochkoga ega Puranik qo'shimcha ko'rsatkichlarga ko'ra 9-pog'onadan joy olgan. 

Musobaqada qo'shimcha ko'rsatkichlarga ko'ra yana 1-o'ringa ko'tarilib olgan Ortiq Nig'matov (IM, 2447) qora donalarda hindistonlik grossmeyster Nihal Sarin (2676) bilan hisob-kitob qiladi. Sarin hisobida ham 5 ochko bo'lib, u qo'shimcha koeficentlarga ko'ra 4-o'ringa joylashgan.  

Bu turda ham hamyurtlarimiz ishtirokidagi derbiga guvoh bo'lamiz. So'nggi turlarni yaxshi o'tkazayotgan SHamsiddin Vohidov (2681) va Nodirbek Yakubboev (2668) bir-birlariga qarshi bahs olib borishadi. Bu ularning o'zaro o'tkazadigan 32-uchrashuvi bo'ladi. Qizig'i, ikkala grossmeysterimiz ham 10 tadan g'alabaga erishgan. O'n bitta partiyada kuchlar teng kelgan.    

Kecha Nodirbek Abdusattorov bilan durang o'ynagan Javohir Sindarov (2682) bugun 7-turda hindistonlik Sankalp Gupta (2539)ga qarshi dona suradi. Turnirda ikkinchi raqam ostida tasniflangan eronlik taniqli shaxmat Parham Maqsudlu yana bir hind shaxmatchisi Saha Nilash (2458)ni sinovdan o'tkazadi. Parham hisobida 4,5, Nilashda esa 5 ochko bor.