Prezident Kubogi. Nodirbekda yana g'alaba, Nig'matov shov-shuvli tarzda Parham Maqsudluni yutdi

Dunyoning ko'zga ko'ringan grossmeysterlari mukofot jamg'armasi 75 000 AQSH dollarini tashkil etuvchi Prezident Kubogi musobaqasi bosh sovrini uchun bahs olib borishyapti. Ishtirokchilar FIDE reytingidagi o'rinlariga qarab A va V guruhlarida dona surishmoqda.  

Kuchlilar jam bo'lgan A guruhi bahslarida yurtimiz sharafini Nodirbek Abdusattorov, Javohir Sindarov, SHamsiddin Vohidov, Nodirbek Yakubboev singari taniqli grossmeysterlarimiz himoya qilishmoqda. Abdusattorov (2777) xalqaro turnirning birinchi raqamli ishtirokchisi sifatida saralangan. 

Nodirbek 2-turda oq donalarda hindistonlik Sahib Singh (2438)ni mag'lubiyatga uchratdi. Ikkinchi raqamli shaxmatchi Parham Maqsudlu (Eron, 2712) esa kutilmaganda qora donalarda yosh shaxmatchimiz Ortiq Nig'matov (2419)ga imkoniyatni boy berib qo'ydi. Bu g'alabasi bilan Nig'matov yaxshigina shov-shuv ko'tarishga muvaffaq bo'ldi. 

Nodirbek Yakubboev (2668) oq donalarda qora donalarda harakat qilganiga qaramay, xitoylik Ming Xui Xu (2405)ni yuta olmadi. Uchrashuvda durang natija qayd etildi. Javohir Sindarov (2682) yana bir xitoylik shaxmatchi CHu Vey CHao (2419)ni taslim etdi. Bu uning ikkinchi g'alabasi bo'ldi. SHamsiddin Vohidov (2681) qozog'istonlik Meruert Kamalidenova (2378)dan ustun keldi.