Prezident Lukashenko belaruslik engil atletikachi Timanovskaya haqida gapirdi

"Timanovskaya. O'z yo'nalishida 36-o'rin. U haqida boshqa gapirish shart emas. Rossiyaliklar Dina Averina uchun kuyunishmoqda. Qizcha mana shunday ishtirok etdi. U nimadir deyishi mumkin. U buyuk sportchi. 

Senchi? Uning o'tmishini bilgan holda ham terma jamoaga kiritgandik. Uning natijasini bilardik. Bilasizmi nimaga uni qo'shgandik? XOQ buni tavsiya qilgandi. Biz Olimpiadada ko'rinmagan mana shunday 7 nafar sportchini tarkibga kiritgandik. Ularni tarkibga kiritmaslik kerak edi. 

O'tgan yili dekabr oyida Timanovskayaga prezident stipendiyasini berdik. Ol, shug'ullan. 3 ming rubldan to'ladik, barcha sharoitlarni yaratdik. Agar uni kimdir boshqarmaganda, bularning barchasini o'zi qila olmasdi. 

Timanovskaya Tokioda Polshadagi do'stlari bilan bog'langan. Unga: "Aeroportga borsang, policiyachilarga qarab baqir". Yaponiyaning maxsus xizmati xodimlaridan xech kim yo'q edi", - dedi Lukashenko. 

Eslatib o'tamiz, Timanovskaya o'z delegaciyasi vakillarini tanqid qilgani uchun terma jamoadan chetlashtirilgan va Belarusga qaytarib olib ketilishi lozim edi. Ammo keyinchalik u Polshadan siyosiy boshpana so'ragan.