Pskentda sport avtomobillari musobaqasi o'tkazilyapti+FOTO

Ushbu musobaqa sportning texnik va amaliy turlari bo'yicha sport va ommaviy jismoniy tarbiya tadbirlarining 2018 yilga mo'ljallangan taqvim rejasiga asosan tashkil etilyapti. 

- Musobaqa oldidan sportchilarning ruxiy tayyorligi va g'alabaga bo'lgan istagi yuqori bo'lishi bilan birga avtomobillari ham texnik shay holatda bo'lishi eng asosiy omillardan biri, - dedi musobaqa bosh hakami Baris Leshik.

O'zbekiston kubogida Samarqand, Jizzax, Buxoro, Andijon, Farg'ona, Sirdaryo, Toshkent viloyatlari va Toshkent shahrining 10 ta klubidan jamoalar ishtirok etishmoqda. 

Bugun “NU”, “A-8”  rusumdagi dvigatel sig'imi 1600 hajm kub va “A-9” rusumli avtomobillar poygasida g'olib va sovrindorlar aniqlanadi. 

- Musobaqa qoydasiga ko'ra sportchilar bir aylanasi 4 kilometrdan iborat bo'lgan xalqa trassani 15 marotaba (60 kilometr) aylanib o'tishlari kerak. Kubok bahslarida g'oliblik uchun davogar sportchilar ko'p. Bu esa musobaqalarni tomosha qilish uchun kelayotgan avtoqiziquvchilarga hayajonli daqiqalarpni tortiq etadi deb o'ylayman, - dedi musobaqa bosh kotibi, milliy toifadagi hakam Bekzod Ahmedov.