Qashqadaryo: umumtalim maktablarning sport zallari qay ahvolda?

O'zbekiston Respublikasi Prezidentining 2020 yil 30 oktyabrdagi «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi PF–6099-sonli Farmoni shuningdek, Prezidentimizning 12-13 noyabr kunlari Qashqadaryo viloyatiga tashriflari chog'ida aholi, ayniqsa yoshlar bandligini taminlash va ularning bo'sh vaqtlarini mazmunli o'tkazishlari va ular bilan ishlashning yangicha tizimini yo'lga qo'yish bo'yicha bergan topshiriq va ko'rsatmalariga asosan viloyatda mutasaddi tashkilotlar hamkorligida amaliy ishlar olib borilmoqda.

Jumladan, viloyat jismoniy tarbiya va sport boshqarmasi, xalq talimi va yoshlar ishlari agentligi boshqarmalari hamkorligida davlat talim muassasalarining sport zallari hamda sport inshootlarida soat 16:00 dan 22:00 ga qadar aholining barcha qatlamlarini jismoniy tarbiya va sportga keng jalb qilish maqsadida qo'shma qarorlar imzolanib, mazkur sport inshootlarida sport turlari bo'yicha sekciyalar yo'lga qo'yilmoqda.

Mazkur qo'shma qarorlar ijrosi qay darajada amalga oshirilayotganligini bilish maqsadida, viloyat jismoniy tarbiya va sport boshqarmasi boshlig'i Komil Xalmatov Qarshi shahrida joylashgan umumtalim maktablarining sport zallari faoliyatini ko'zdan kechirdi va masullarga tegishli ko'rsatma va topshiriqlar berdi.

Bu kabi amaliy ishlar reja asosida viloyat bo'ylab olib borilishi belgilab olindi.