12 mar 11:02
Yangiliklar

Boshqalar

Qashqadaryo viloyati hokimi Workout maydonchasi bilan tanishdi

Qashqadaryo viloyati hokimi Zoyir Mirzaev Qarshi shahrining Paxtazor mitti tumanidagi Oydin mahallasi ko'p qavatli uylari yonida barpo qilingan ana shunday sport maydonchasini borib ko'rdi.

«Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi Prezident Farmonida mamlakatimizdagi har bir mahallada jismoniy tarbiya va ommaviy sport bilan shug'ullanish uchun shart-sharoitlar yaratish belgilab qo'yilgan bo'lib, hozirda respublikamizning barcha hududlarida aholi yashaydigan manzillarda sport maydonchalari barpo etilmoqda.

Qashqadaryo viloyati hokimi Zoyir Mirzaev Qarshi shahrining «Paxtazor» mitti tumanidagi «Oydin» mahallasi ko'p qavatli uylari yonida barpo qilingan ana shunday sport maydonchasini borib ko'rdi. Tashrif davomida viloyat rahbari ushbu mavzedagi fuqarolar bilan suhbatlashdi.

- Erta tongdan toza havoda mashq qilish yoshlarning ham, yoshi ulug'larning ham salomatligi uchun nihoyatda foydali. Yurtboshimizning «kasallikni davolagandan ko'ra, uning oldini olish afzal», deya takidlaganlari bejiz emas. SHunday ekan, sport bilan shug'ullanib kasal bo'lishning oldini olganimiz maqul, - dedi fuqarolar bilan muloqotda viloyat hokimi Zoyir Mirzaev.

SHuningdek, viloyat rahbari sport maydonchasi atrofida tungi chiroqlar o'rnatish va tuman, shaharlarda barpo etilayotgan Workout maydonchalarini mahalliy aholi bilan bamaslahat barpo qilish bo'yicha tegishli ko'rsatmalar berdi.