Qashqadaryoda ham Yangi yilga sport bilan! ommaviy sport festivali boshlandi

Qarshi shahrida joylashgan markaziy tennis korti shaxmat musobaqalariga mezbonlik qildi. Unda 40 nafarga yaqin o'g'il-qiz ishtirok etdi. Yakuniy natijalarga ko'ra musobaqa g'olib va sovrindorlari viloyat jismoniy tarbiya va sport boshqarmasi tomonidan diplom hamda estalik sovg'alari bilan taqdirlanishdi.

Qarshi olimpiya zaxiralari kollejida esa viloyat jismoniy tarbiya va sport boshqarmasi hamda xalq talimi tizimida faoliyat yuritayotgan xodimlar va aholi ishtirokida sportning arqon tortish, tosh ko'tarish va armrestling turlari bo'yicha musobaqalar tashkil etildi. Bu musobaqalarda 120 nafarga yaqin ishtirokchi faol qatnashdi hamda o'z kuchlarini yakkalik va jamoaviy bahslarda sinovdan o'tkazishdi.

Ommaviy sport festivali dasturidan o'rin olgan stritbol va Workaut yo'nalishlarida 50 nafarga yaqin yoshlar ishtirok etdi.