Qashqadaryoda nogironligi bo'lgan shaxslarni sportga jalb qilish masalalari muhokama qilindi

Unda O'zbekiston Milliy paralimpiya qo'mitasi raisi maslahatchisi Anvar Mursakulov, viloyat Ijtimoiy himoya milliy agentligi, Tibbiy ijtimoiy ekspert komissiyasi, “Inson” ijtimoiy xizmatlar markazlari masullari hamda sport talim muassasalari rahbarlari ishtirok etdi.

Yig'ilishda nogironligi bo'lgan shaxslar o'rtasida paralimpiya va adaptiv sport turlarini ommalashtirish, shuningdek, iqtidorli sportchilarni aniqlash, tanlash va saralash (selekciya) masalalari tanqidiy tahlil qilindi.

Yig'ilish yakuniga ko'ra, hududlardagi mavjud imkoniyatlar va xususiyatlardan kelib chiqqan holda, nogironligi bo'lgan shaxslarni jismoniy tarbiya va sportga qamrab olish bo'yicha viloyatdagi barcha 14 ta tuman va 2 ta shaharning alohida dasturi ishlab chiqilishi belgilab berildi.